২০১৬ চনৰ ১ মে' তাৰিখে প্ৰধানমন্ত্ৰী উজ্জ্বলা যোজনা নামৰ আঁচনিখন নৰেন্দ্ৰ মোডী চৰকাৰে আনুষ্ঠানিকভাৱে উন্মোচন কৰে। দেশৰ গাঁও সমূহত প্ৰধানকৈ দৰিদ্ৰ সীমাৰেখাৰ তলৰ পৰিয়াল সমূহে ব্যৱহাৰ কৰা অপৰিশোধিত ৰন্ধন ইন্ধনৰ সলনি পৰিশোধিত আৰু উন্নত এল. পি. জি. যোগান ধৰাই হৈছে এই আঁচনিৰ মূল লক্ষ্য ।
প্ৰধানমন্ত্ৰী উজ্জ্বলা আঁচনিৰ মূল লক্ষ্য হৈছে দেশৰ দৰিদ্ৰ সীমাৰেখাৰ তলৰ পৰিয়ালসমূহক এল.পি.জি. সংযোগ প্ৰদান কৰা । চৰকাৰে এই আঁচনিৰ অধীনত দেশৰ ৫ কোটি বি.পি.এল. পৰিয়ালৰ জ্যেষ্ঠ মহিলাগৰাকীৰ নামত তেওঁলোকৰ পৰিয়ালক এল.পি.জি. সংযোগ প্ৰদান কৰাৰ লক্ষ্য নিৰ্ধাৰণ কৰিছে। এই আঁচনিৰ কেতবোৰ লক্ষ্য হৈছে
যোগ্যতা সম্পন্ন দৰিদ্ৰ সীমাৰেখাৰ তলৰ পৰিয়ালৰ মহিলাই এই আঁচনিৰ নিৰ্ধাৰিত প্ৰ-পত্ৰ পূৰণ কৰি গেছ সংযোগৰ বাবে আবেদন কৰিব পাৰে। সাধাৰণ তথ্য যেনে নাম, যোগাযোগৰ সবিশেষ, জন ধন/বেংকৰ একাউন্ট নম্বৰ, আধাৰ কাৰ্ডৰ নম্বৰ মোবাইল নম্বৰ আদি আবেদন প্ৰ-পত্ৰ পূৰণৰ বাবে প্ৰয়োজনীয় হ'ব । আবেদনকাৰীয়ে ইয়াৰ বাবে KNOW YOUR CUSTOMER আবেদন প্ৰ-পত্ৰ অনলাইনযোগে ডাইনলোড কৰিব পাৰিব আৰু প্ৰয়োজনীয় নথি সহ ওচৰৰ এল পি জি কাৰ্যালয়ত দাখিল কৰিব লাগিব।
তলত উল্লেখ কৰা নথি পত্ৰ সমূহ আবেদন কৰিবৰ বাবে নিত্যান্তই প্ৰয়োজনীয়
এই আঁচনিখন ভাৰত চৰকাৰৰ পেট্ৰলিয়াম আৰু প্ৰাকৃতিক গেছ মন্ত্ৰনালয়ৰ দ্বাৰা ৰূপায়ন কৰা হৈছে। পেট্ৰলিয়াম আৰু প্ৰাকৃতিক গেছ মন্ত্ৰনালয়ৰ দ্বাৰা ৰূপায়িত এইখনেই প্ৰথমখন সমাজ কল্যানমূখী আঁচনি যিয়ে দেশখনৰ প্ৰায় ৫ কোটি দুখীয়া পৰিয়ালৰ মহিলাক সমৰি লব ।এই আঁচনিখন তিনিটা বিত্তীয় বৰ্ষ ২০১৬-১৭, ২০১৭-১৮, ২০১৮-১৯ ত ৰূপায়ন কৰা হ'ব ।
